महाविद्यालयीन शिक्षण संस्कृतीचे की विकृतीचे?

कॉलेजला जायचे ते फक्त टाईमपास करण्यासाठी ! बाईकवरून धूम ठोकण्यासाठी !याची त्याची खेचण्यासाठी! कट्ट्यावर बसून अश्लील चाळे करण्यासाठी ! व्हँलेंटाइन डे धूमधडाक्यात साजरा करण्यासाठी ! ही आजकालच्या एखाद्या टिपिकल कॉलेजच्या तरूणाची त्याच्या कॉलेज लाईफ बद्दलची मते.

अभियांत्रीकीचा विद्यार्थी असल्याने या शाखेशी संबंधीत एका सर्व्हेची आकडेवारी सादर करतांना मला अत्यंत दुःख होते . जी आकडेवारी असे दर्शविते की, ७०% अभियांत्रीकीचे विद्यार्थी सिगारेट ,दारू ,गुटखा यांसारख्या व्यसंनाच्या विळख्यात सापडलेले आहेत .याची कारणे जरी काहीही असतील ,तरी व्यसन हे कोणत्याही समस्येचे उत्तर असू शकत नाही.

खरतर शिक्षण हे संस्कृती टिकविण्याचे माध्यम म्हणून ओळखले जाते,परंतु सध्याच्या तरूणाईने आपल्या वागणुकीतून ज्ञानमंदीरांचा अर्थच बदलून टाकलाय.याला वेळीच आळा घातला नाही तर ज्यांच्या जोरावर भारत महासत्ता होण्याचे स्वप्न बघत आहे ,तेच देशाला दरिद्र्यात लोटायचे, असंस्कृतीच्या दारिद्रयात!